sólskin þýðir piparmyntuís

Dásamlegir sólargeislar hafa hreiðrað um sig í Reykjavík í allan dag. Nú hefur snjórinn ekki leyfi til þess að láta sjá sig aftur. Fyrirmyndar skýhnoðrar trítla yfir himininn. Ilmur af grillmat hangir yfir öllum íbúðarhverfum og hróp og hlátrasköll enduróma húsanna á milli. Það er komið vor. Og sumarið er rétt handan við hornið.

Ég er nýorðin forfallinn múmínbollasafnari. Ég bíð hinsvegar spennt eftir fyrsta bollanum mínum. Mamma á einn sem ég stelst til að drekka úr þegar ég kem í heimsókn. Kaffið verður svo miklu skemmtilegra þannig.

Á sumrin þá borðar maður ís með piparmyntubragði. Það er bara þannig.

0
Share:

Leave a Reply